22 نومبر ، 2024 
پاکستان
فوٹو: فائل
وزیراعلیٰ سندھ کا وفاقی حکومت سے مشترکہ مفادات کونسل کا اجلاس بلانے کا مطالبہ
22 نومبر ، 2024
وزیراعلیٰ سندھ مراد علی شاہ نے وفاقی حکومت سے مشترکہ مفادات کونسل کا اجلاس بلانے کا مطالبہ کردیا۔
وزیراعلیٰ سندھ کا کہنا تھا کہ آئین کے آرٹیکل (3) 154 کے تحت ہر 90 دن کے اندر اجلاس بلانا لازمی ہے، 9 ماہ ہو چکے ہیں کونسل کا ایک بھی اجلاس نہیں ہوا۔
انہوں نے وفاقی حکومت سے مطالبہ کرتے ہوئے کہا کہ آئین کے تحت اب تک تین اجلاس ہونے چاہیے تھے، مشترکہ مفادات کونسل کا اجلاس بلا کر آئینی ذمے داری پوری کی جائے۔
