22 نومبر ، 2024 
پرتھ ٹیسٹ: بھارت کے بعد آسٹریلوی بیٹرز بھی ناکام، پہلے روز 17 وکٹیں گرگئیں
22 نومبر ، 2024
بھارت اور آسٹریلیا کے درمیان بارڈر گواسکر ٹرافی کا آغاز ہوگیا، 5 ٹیسٹ میچز کی سیریز کا پہلا میچ پرتھ میں کھیلا جارہا ہے۔
پرتھ ٹیسٹ کے پہلے ہی دن بھارتی بیٹرز بری طرح ناکام ہوئے جس کے بعد آسٹریلوی بیٹنگ لائن بھی لڑ کھڑا گئی۔
آسٹریلیا اور بھارت کے درمیان شروع ہونے والے پرتھ ٹیسٹ کے پہلے ہی دن مجموعی طور پر 17 وکٹیں گر گئیں۔
آسٹریلیا کے خلاف بھارتی ٹیم نے ٹاس جیت کر پہلے بیٹنگ کرنے کا فیصلہ کیا، لیکن بھارتی بیٹرز آسٹریلوی بولرز کے سامنے زیادہ جم کر بیٹنگ نہ کرسکے اور پوری ٹیم پہلی اننگز میں صرف 150 رنز بنا کرآوٹ ہوگئی ۔
بھارت کی جانب سے نتیش کمار 41 اور رشبھ پنت 37رنز کے ساتھ نمایاں رہے ۔ آسٹریلیا کے ہیزل ووڈ نے 4 وکٹیں حاصل کیں۔
جواب میں آسٹریلیا کے بیٹرز بھی ناکام ہو گئے ، بھارت کے خلاف صرف 67 رنز پر 7 کھلاڑی پویلین لوٹ گئے۔
ایلکس کیری 19اور مچل اسٹارک 6 رنز بنا کر ناٹ آوٹ ہیں۔بھارت کی جانب سے بمراہ نے 4 وکٹیں لی ہیں۔
آسٹریلیاکو اب بھی بھارت کے خلاف پہلی اننگز میں 83 رنز کا خسارہ ہے۔
مزید خبریں :
اظہر علی کو پی سی بی میں اہم عہدہ مل گیا
12 گھنٹے پہلے
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
