25 نومبر ، 2024 
ہولناک ٹریفک حادثے میں جان بچانیوالے 2 افراد کو رشبھ پنت نے کیا تحفہ دیا؟
25 نومبر ، 2024
بھارتی کرکٹر رشبھ پنت نے خوفناک کار حادثے میں جان بچانے والے افراد کو تحفہ دیا ہے۔
2022 میں رشبھ پنت کی گاڑی اتراکھنڈ سے دہلی جاتے ہوئے حادثے کا شکار ہوئی تھی جس میں کرکٹر کو گہرے زخم آئے تھے جب کہ دو مقامی افراد نے انہیں بروقت نکال کر اسپتال منتقل کیا تھا۔
کرکٹر کا اسپتال میں علاج ہوا اور تقریباً ڈیڑھ سال بعد انہوں نے فیلڈ پر واپسی کی۔
اب رشبھ نے رجت کمار اور نیشو کمار نامی مقامی افراد کو اسکوٹرز تحفے میں دیے ہیں، کرکٹر نے ان کا شکریہ ادا کرتے ہوئے کہا کہ یہ ان پر ساری زندگی احسان رہے گا جس کو وہ کبھی فراموش نہیں کرسکیں گے۔
ان کا کہنا تھا کہ میں انفرادی طور پر سب کا شکریہ ادا کرنے کے قابل نہیں ہوں لیکن دو ہیروز رجت کمار اور نیشو کمار جنہوں نے حادثے کے بعد میری جان بچانے کی ہرممکن کوشش کی ان کا مقروض ہوں۔
