02 دسمبر ، 2024 
پاکستان
فوٹو: فائل
شوکت عزیز صدیقی کو چیئرمین این آئی آر سی تعینات کردیا گیا
02 دسمبر ، 2024
اسلام آباد ہائیکورٹ کے سابق جج شوکت عزیز صدیقی کو چیئرمین قومی کمیشن برائے صنعتی تعلقات (این آئی آر سی) تعینات کردیا گیا۔
وفاقی کابینہ کی منظوری کے بعد شوکت عزیزصدیقی کی تعیناتی کا نوٹیفکیشن جاری کردیا گیا۔
شوکت عزیز صدیقی کی 3 سال کے لیے بطور چیئرمین نیشنل انڈسٹریل ریلیشنز کمیشن تعیناتی کی گئی ہے۔
شوکت عزیزصدیقی کو 2018 میں اسلام آباد ہائیکورٹ کے جج کےعہدے سے برطرف کیا گیا تھا تاہم سپریم کورٹ نے مارچ 2024 میں شوکت عزیز صدیقی کی برطرفی کو کالعدم قرار دیا تھا۔
سپریم کورٹ نے شوکت عزیز صدیقی کو بطور ہائیکورٹ جج ریٹائرمنٹ کے تمام واجبات کا اہل قرار دیا تھا۔
