17 دسمبر ، 2024 
پاکستان میں مقامی طور ایک اور وینٹی لیٹر کامیابی سے تیار، پروڈکشن لائسنس جاری
17 دسمبر ، 2024
پاکستان میں مقامی طور ایک اور وینٹی لیٹر کامیابی سے تیار کر لیا گیا۔
اینووینٹ نامی وینٹی لیٹر ایسنز انڈسٹریز کراچی کا تیارکردہ ہے اور وینٹی لیٹر کے کلینیکل ٹرائلز کامیابی سے مکمل ہو گیا۔
ڈرگ ریگولیٹری اتھارٹی کے حکام کے مطابق اینووینٹ وینٹی لیٹر رجسٹرڈ کر لیا گیا ہے، اینووینٹ کو ڈریپ میڈیکل ڈیوائسز ڈویژن نے رجسٹرڈ کیا۔
حکام نے بتایاکہ ایسنز انڈسٹریز کو وینٹی لیٹر کی لوکل پروڈکشن کا لائسنس جاری کر دیا گیا ہے اور ایسنز انڈسٹریز کو پانچ سال کیلئے پروڈکشن لائسنس جاری کیا گیا، اینووینٹ وینٹی لیٹر کو تکنیکی جانچ کے بعد رجسٹرڈ کیا گیا۔
ایسنز انڈسٹریز اینووینٹ وینٹی لیٹر تیار اور فروخت کر سکے گی۔
لائسنس ملنے کے بعد ایسنز انڈسٹریز نے وینٹی لیٹر کی پروڈکشن کا آغاز کر دیا۔ کمپنی حکام نے کہا ہے کہ ایسنز انڈسٹریز مقامی ضرورت کے علاوہ وینٹی لیٹر برآمد کرے گی، اینووینٹ وینٹی لیٹر مکمل طور پاکستانی ماہرین کا تیارکردہ ہے۔
اینووینٹ وینٹی لیٹر کی شیلف لائف پانچ سال ہے جبکہ اینووینٹ وینٹی لیٹر بڑی عمر کے مریض استعمال کر سکیں گے۔
کمپنی کا کہنا ہے کہ وینٹی لیٹر ملکی برآمدات میں اضافے کا سبب بننے گا، میڈ ان پاکستان وینٹی لیٹرز کی برآمد سے کثیر زرمبادلہ حاصل ہو گااور میڈ ان پاکستان وینٹی لیٹرز عالمی سطح پر ملک کی پہچان بنیں گے۔
مزید خبریں :
امریکا میں پابندی سے بچنے کیلئے ٹک ٹاک کی آخری کوشش
17 دسمبر ، 2024
گوگل میپس میں صارفین کیلئے ایک نیا فیچر متعارف
17 دسمبر ، 2024
چیٹ جی پی ٹی کا اے آئی سرچ انجن اب آپ مفت استعمال کرسکتے ہیں
17 دسمبر ، 2024
