22 دسمبر ، 2024 
طلاق کی کارروائی پر ناراض شخص نے پارسل بم سسرال بھجوادیا، دھماکے سے 3 افراد زخمی
22 دسمبر ، 2024
بھارتی ریاست گجرات کے شہر احمد آباد میں ایک شخص نے طلاق کی کارروائی پر سسرال میں پارسل بم بھجوادیا جس کے دھماکے سے 3 افراد زخمی ہوگئے۔
بھارتی میڈیا کے مطابق احمد آباد کے شہری روپن راؤ کی بیوی ناراض ہو کر میکےگئی ہوئی ہے اور اس نے عدالت میں علیحدگی کے لیے درخواست دائر کر رکھی ہے۔
روپن راؤ کو غصہ تھا کہ اس کا گھر توڑنے میں اس کے سسرال والے ملوث ہیں اور انہوں نے ہی اس کی بیوی کو طلاق کے لیے اکسایا ہے۔
روپن راؤ نے انٹرنیٹ پر بم بنانےکا طریقہ سیکھا اور بم بنا کر دوست کے ہاتھوں پارسل سسرال بھجوادیا جہاں وہ پھٹ گیا جس میں بم لیجانے والا دوست اور روپن کے سسرال کے 2 افراد زخمی ہوگئے۔
زخمیوں کو طبی امداد کے لیے اسپتال منتقل کیا گیا جہاں ان کی حالت خطرے سے باہر ہے۔ پولیس نے روپن اور اس کے دو دوستوں کو بھی گرفتار کرلیا ہے جنہوں نے بم بنانے میں اس کی مدد کی۔
احمد آباد پولیس کا کہنا ہے کہ اس حوالے سے مزید تحقیقات کی جارہی ہیں۔
مزید خبریں :
البانیہ نے ٹک ٹاک پر ایک سال کیلئے پابندی لگا دی
8 گھنٹے پہلے
ترکیہ میں ہیلی کاپٹر حادثے میں 4 افراد ہلاک
9 گھنٹے پہلے
جنوبی افریقا میں 5.3 شدت کا زلزلہ
11 گھنٹے پہلے
