29 دسمبر ، 2024 
پی ٹی آئی ایک طرف آزادی کی بات کرتی ہے دوسری طرف امریکا سے مدد مانگتی ہے، حافظ نعیم
29 دسمبر ، 2024
جماعت اسلامی پاکستان کے امیر حافظ نعیم الرحمان نے کہا ہے کہ ملک میں سیاسی جماعتیں جیل میں ڈالنے اور جیل سے نکلنے کیلئے امریکا کی مدد مانگتی ہیں، پاکستان تحریک انصاف ایک طرف آزادی کی بات کرتی ہے دوسری طرف امریکا سے مدد مانگتی ہے۔
اسلام آباد میں غزہ مارچ سے خطاب میں حافظ نعیم کا کہنا تھاکہ اسرائیل کی اصل طاقت مسلم حکمرانوں کی بے حسی ہے، اسرائیل امریکا کی مدد سے فلسطینیوں کی نسل کشی میں مصروف ہے۔
انہوں نے مطالبہ کیاکہ حماس کو مزاحمت کا حق اقوام متحدہ کے چارٹر نے دیا، حماس کو تسلیم کرکے اسلام آباد میں اس کا دفتر قائم کیا جائے۔
ان کا کہناتھاکہ ملک میں سیاسی جماعتیں جیل میں ڈالنے اور جیل سے نکلنے کیلئے امریکا کی مدد مانگتی ہیں، پی ٹی آئی ایک طرف آزادی کی بات کرتی ہے دوسری طرف امریکا سے مدد مانگتی ہے۔
حافظ نعیم کا کہنا تھاکہ اگر بانی پی ٹی آئی کا غلامی نامنظور کا دعویٰ سچا ہے تو اسرائیل کی حمایت کرنے پر امریکا کی مذمت کا بیان جاری کریں، آج بانی پی ٹی آئی جیل سے اعلان کریں وہ حماس کی حمایت کرتے ہیں۔
انہوں نے کہا کہ ہم مذاکرات کیلئے اے پی سی بلانے لگے تو پی ٹی آئی نے اس میں حکومت کے ساتھ بیٹھنے سے انکار کردیا، آج مسٹر و مولانا سب عالمی ایجنڈے پر چل رہے ہیں ، آج یہ حکمران ٹرمپ تو کیا گرینل سے بھی ڈر رہے ہیں۔
امیر جماعت اسلامی کا کہنا تھاکہ آج امریکا میں تو فلسطین کے حق میں مظاہرہ ہوسکتا ہے، اسلام آباد میں امریکی سفارتخانہ کی طرف مارچ نہیں ہوسکتا۔
مزید خبریں :
پاکستان میں رجب المرجب کا چاند نظر آگیا
1 گھنٹے پہلے
کشتی حادثات میں ملوث ایف آئی اے کے 35 ملازمین برطرف
5 گھنٹے پہلے
