08 فروری ، 2025 
بھارتی بزنس مین گوتم اڈانی نے بیٹے کی شادی پر 10 ہزار کروڑ سماجی کاموں کیلئے عطیہ کردیے
08 فروری ، 2025
بھارت کے ارب پتی تاجر گوتم اڈانی نے اپنے بیٹے کی شادی پر 10 ہزار کروڑ روپے سماجی کاموں میں عطیہ کردیے۔
بھارتی میڈیا کے مطابق اڈانی گروپ کے چیئرمین گوتم اڈانی کے بیٹے جیت اڈانی کی شادی ہیرے کے تاجر کی بیٹی دیوا سے ہوئی، یہ شادی سادہ، مذہبی اور گجراتی رسم و رواج کے تحت انجام پائی جس میں خاندان اور قریبی رشتے داروں نے شرکت کی۔
یہ شادی خبروں کے ساتھ ساتھ سوشل میڈیا کی بھی زینت بنی ہوئی ہے جس کی وجہ ایک امیر صنعت کار کے بیٹے کی شادی نہ صرف سادہ انداز میں ہونا ہے بلکہ اس شادی میں گوتم اڈانی کی جانب سے سماجی کاموں کیلئے 10 ہزار کروڑ بھارتی روپے کا کیا گیا عطیہ بھی شامل ہے۔
میڈیا رپورٹس میں بتایا جارہا ہے کہ عطیہ کی جانے والی رقم کا ایک بڑا حصہ صحت کی دیکھ بھال اور تعلیم سمیت بنیادی کاموں میں خرچ کیا جائے گا۔
