19 فروری ، 2025 
وزیراعظم سے امریکی ناظم الامور کی ملاقات ، دونوں ممالک کے درمیان قریبی تعلقات پر تبادلہ خیال
19 فروری ، 2025
وزیراعظم شہباز شریف سے امریکی ناظم الامور نٹالی بیکر نے ملاقات کی جس میں پاکستان اور امریکا کے درمیان قریبی تعلقات پر تبادلہ خیال کیا گیا۔
منگل کو اسلام آباد میں وزیراعظم شہباز شریف سے امریکی ناظم الامور نٹالی بیکر کی ملاقات ہوئی۔
ملاقات میں وزیراعظم نے دوطرفہ تعلقات کے فروغ کے لیے ٹرمپ انتظامیہ کے ساتھ مل کرکام کرنےکےعزم کا اعادہ کیا۔
وزیر اعظم نے تجارت، آئی ٹی، زراعت، صحت، تعلیم اور توانائی کے شعبوں میں تعاون بڑھانے پر بھی زور دیا۔
ملاقات میں انسداد دہشت گردی، داعش اور فتنہ الخوارج کے خلاف تعاون جاری رکھنے پربھی اتفاق کیا گیا۔
اس موقع پر نٹالی بیکر کا کہنا تھاکہ نئی انتظامیہ دوطرفہ تعلقات مضبوط بنانے اور مشترکہ مقاصد کے حصول کیلئے پاکستان کے ساتھ کام کرے گی۔
مزید خبریں :
صدقہ فطر اور فدیہ صوم کے نصاب کا اعلان کر دیا گیا
5 گھنٹے پہلے
کراچی: سفاری پارک کی دو ہتھنیاں خطرناک بیماری میں مبتلا
10 گھنٹے پہلے
