04 اپریل ، 2025 
راجہ رفعت مختار ڈی جی ایف آئی اے تعینات، نوٹیفکیشن جاری
04 اپریل ، 2025
سابق انسپکٹر جنرل (آئی جی) پولیس سندھ اور موٹروے راجہ رفعت مختار کو وفاقی تحقیقاتی ایجنسی (ایف آئی اے) کا ڈائریکٹر جنرل (ڈی جی) تعینات کر دیا گیا۔
اجہ رفعت مختار پولیس سروس آف پاکستان کے گریڈ 21 کے افسر ہیں، ان کی تعیناتی کا نوٹیفکیشن جاری کردیا گیا۔
رفعت مختار اس سے قبل انسپکٹر جنرل نیشنل ہائی وے اینڈ موٹروے تعینات تھے۔
پولیس سروس گریڈ 20 کے وقار الدین سید کو ڈی جی نیشنل سائبر کرائم ایجنسی تعینات کیاگیا ہے۔
حال ہی میں گریڈ 22 میں ترقی پانے والے پولیس سروس آف پاکستان کے افسر عمران یعقوب منہاس کی خدمات کاؤنٹر ٹیرر ازم ڈیپارٹمنٹ سندھ کے ایڈیشنل آئی جی کے عہدے سے واپس لے کر ان کا تبادلہ وزیراعظم انسپیکشن ٹیم ممبر کے طور پر کر دیا گیا۔
گریڈ 22 میں ترقی پانے والے پولیس پاکستان پولیس سروس آف پاکستان کے افسر محمد شہزاد سلطان کی خدمات نیشنل اسکول آف پبلک پالیسی میں منسٹر انسٹرکٹر کے طور پر برقرار رکھی گئی ہیں۔
