24 مئی ، 2025 
گلگت سے اسکردو جاتے ہوئے لاپتا ہونے والے 4 نوجوان سیاحوں کی لاشیں مل گئیں
24 مئی ، 2025
16 مئی کو گلگت سے اسکردو جاتے ہوئے لاپتا ہونے والے چار نوجوان سیاحوں کی لاشیں مل گئیں۔
پولیس کے مطابق سیاحوں کی گاڑی شاہراہِ بلتستان پر گہری کھائی میں استک نالے میں گری ہوئی مل گئی۔
گجرات سے تعلق رکھنے والےچار نوجوان سیاحوں کی گمشدگی پر کئی روز سے تلاش جاری تھی۔ دو سیاحوں کی لاشیں نکال لی گئیں جبکہ دو لاشیں نکالنےکیلئے ریسکیو آپریشن جاری ہے۔
ریسکیو حکام کے مطابق دشوار راستہ ہونے کی وجہ سے ریسکیو آپریشن میں پریشانی کاسامناہے، حادثے میں جاں بحق سیاحوں کا تعلق گجرات سے تھا، ایک جاں بحق سیاح پاکستانی نژاد اطالوی شہری تھا۔
اہل خانہ کے مطابق نوجوانوں کا آخری بار فون پر رابطہ دنیور کے مقام پر ہوا تھا، 16 مئی سے تمام کے موبائل فون بند تھے۔ پولیس کاکہناہےکہ واقعے کی تمام پہلوؤں سے تحقیقات کی جارہی ہیں۔
