18 اپریل ، 2013 
انتخابی امیدواروں کی سیکیورٹی، صدر زرداری کا چیف الیکشن کمشنر سے رابطہ
18 اپریل ، 2013
اسلام آباد … صدر آصف علی زرداری نے چیف الیکشن کمشنر سے رابطہ کرکے انتخابی امیدواروں کی سیکیورٹی پر تشویش کا اظہار کیا ہے، صدر کا کہنا ہے کہ فخرالدین جی ابراہیم سیکیورٹی کے معاملے پر صوبائی حکومتوں سے خود رابطہ رکھیں۔ سیکریٹری الیکشن کمیشن اشتیاق احمد خان کے مطابق صدر آصف علی زرداری نے چیف الیکشن کمشنر سے رابطہ کرکے کہا ہے کہ سیکیورٹی کے معاملے پر وہ صوبائی حکومتوں سے خود رابطہ رکھیں۔ سیکریٹری الیکشن کمیشن نے بتایا کہ انتخابات میں سیکیورٹی پلان سے متعلق صوبائی حکومتوں، وزارت داخلہ اور دفاع کا اجلاس 25 اپریل کو طلب کر لیا گیا ہے، جس میں فوج کی تعیناتی سے متعلق امور کو حتمی شکل دی جائے گی۔ سمندر پار پاکستانیوں کو ووٹ کی سہولت دینے سے متعلق آرڈی نینس 2 روز میں تیار کر لیا جائے گا جبکہ بیلٹ پیپرز کی چھپائی کل سے شروع ہوگی اور 30 اپریل تک مکمل کر لی جائے گی۔
مزید خبریں :
چیئرمین واپڈا سجاد غنی نے عہدے سے استعفیٰ دے دیا
4 گھنٹے پہلے
کراچی کے مختلف علاقوں میں ایک بار پھر زلزلے کے جھٹکے
4 گھنٹے پہلے
ایران اسرائیل جنگ سے بلوچستان کیوں متاثر ہورہا ہے؟
20 جون ، 2025
