08 مارچ ، 2012 
موجودہ حکومت نے خواتین کو بااختیار بنا دیا، شیری رحمن
08 مارچ ، 2012
واشنگٹن… امریکہ میں پاکستان کی سفیر شیری رحمان نے کہا ہے کہ دہشت گردی کے خلاف جنگ میں پاکستان کو بھاری معاشی نقصان کا سامنا ہے۔واشنگٹن میں خواتین کے عالمی دن کے بارے میں منعقد ہونے والی تقریب سے امریکہ میں پاکستان کی سفیر شیری رحمان نے خطاب کرتے ہوئے کہا کہ پاکستان دہشتگردی کے خلاف جنگ میں اہم کردار ادا کررہا ہے۔ دہشت گردی کے خلاف جنگ میں 37 ہزار افراد نے جان کی قربانی دی،شیری رحمان کا کہنا تھا کہ خواتین کو اب دفاتر اور عوامی مقامات پر ہراساں نہیں کیا جاتا، پاکستان میں موجودہ حکومت نے خواتین کو بااختیار بنایا ہے، شیری رحمان کا کہنا تھا کہ خواتین کے بھی وہی حقوق ہیں جو مردوں کے ہیں، معاشرے میں خواتین کو مقام دلانے میں مردوں کا اہم کردار ہے ، پاکستان میں خواتین کو بہت سے چیلنجز کا سامنا ہے۔ شرمین عبید چنائے نے آسکر ایوارڈ حاصل کرکے پاکستانی خواتین کا سر بلند کیا۔
مزید خبریں :
16مختلف ممالک سے مزید 100 سے زائد پاکستانی ڈی پورٹ
4 گھنٹے پہلے
ایم کیوایم پاکستان میں عہدوں کی تقسیم پر اختلافات سامنے آگئے
08 فروری ، 2025
