15 مئی ، 2013 
الیکشن کمیشن کا بیلٹ پیپرز پر انگوٹھے کے نشانات چیک کرنے پر غور
15 مئی ، 2013
اسلام آباد…الیکشن کمیشن کا بیلٹ پیپرز پرلگے فنگر پرنٹ چیک کرنے پر غورمبینہ انتخابی دھاندلیوں کیخلاف لاہور اور دیگر شہروں میں احتجاج اور دھرنے جاری ہیں ، جبکہ الیکشن کمیشن نے بیلٹ پیپرز پر لگے فنگر پرنٹ چیک کرنے پر غور شروع کردیا ہے۔ ذرائع کے مطابق الیکشن کمیشن کو انگوٹھوں کے نشانات چیک کرنے کی درخواستیں موصول ہوئی ہیں۔ جس کے بعد الیکشن کمیشن نے مبینہ دھاندلی والے حلقوں میں بیلٹ پیپرز پر لگائے گئے انگوٹھوں کے نشانات چیک کرنے پر غور شروع کردیا ہے،الیکشن کمیشن نے اس کے بارے میں مشاورت کے لئے چیئرمین نادرا کو طلب کرلیا ہے۔دوسری جانب سابق سیکریٹری الیکشن کمیشن کنور دلشاد کا کہنا تھا کہ الیکشن کمیشن کے پاس شکایات کی صورت میں کسی بھی حلقے کے الیکشن کالعدم قرار دینے کے اختیارات ہیں۔جیو نیوز سے گفتگو میں کنور دلشاد نے کہا کہ اب جعلی ووٹوں کی پہچان کرنا بھی آسان ہوگیا ہے۔
مزید خبریں :
سینیئر صحافی مطیع اللہ جان کو رہا کردیا گیا
3 گھنٹے پہلے
صحافی مطیع اللہ جان کی ضمانت منظور
10 گھنٹے پہلے
لاہور سے 11 دہشتگرد گرفتار، اہم عمارتوں کے نقشے برآمد
10 گھنٹے پہلے
