29 مئی ، 2013 
سندھ اسمبلی کا پہلا اجلاس ،بدنظمی کا مظاہرہ، ایوان میں نعرے باری
29 مئی ، 2013
کراچی…نو منتخب سندھ اسمبلی کے پہلے ہی اجلاس میں بدنظمی کا مظاہرہ دیکھنے میں آیا اور گیلری میں بیٹھے مہمانوں نے نعرے لگا کر ایوان کا تقدس مجروح کردیا۔ سندھ اسمبلی کا اجلاس شروع ہوا تو گیلری میں بیٹھے کچھ افراد نے نعرے بازی شروع کردی،جب شور کچھ زیادہ ہی بڑھ گیا تو اسپیکر نثار کھوڑو نے اُنہیں چپ کرنے کی اپنی سی کوشش کی،لیکن نعرے بازی پھر بھی نہ رکی،اسپیکر صاحب کو غصہ آیا اور انھوں نے اب کی بار نعرے بازی کرنے والوں کو ڈانٹ دیا،لیکن نعرے بازی اس بار بھی نہ رکی۔ نثار کھوڑو نے شور کرنے والے افراد کو گیلری سے نکل جانے کو بھی کہا،نعرے بازی کے دوران ہی تلاوت قرآن پاک کا آغاز کیا گیا گیا۔نعرے بازی پھر بھی چلتی رہی۔جس پر نثار کھوڑو نے گھورنے پر ہی اکتفا کیا۔۔ اللہ اللہ کرکے یہ نعرے بازی رُکی جس کے بعداجلاس کی کارروائی شروع ہونا ممکن ہوسکا۔
مزید خبریں :
عید کے تیسرے روز بھی کراچی کا موسم گرم رہنے کا امکان
2 گھنٹے پہلے
راول ڈیم میں نہاتے ہوئے 3 نوجوان ڈوب کر جاں بحق
3 گھنٹے پہلے
امریکا میں سفارتکاری: بلاول بمقابلہ بینظیر بھٹو
08 جون ، 2025
