پاکستان
05 جون ، 2013
05 جون ، 2013 
ٹارگٹ کلنگ کے خلاف سندھ ہائی کورٹ میں آئینی درخواست دائر
05 جون ، 2013
کراچی…صدر سندھ ہائی کورٹ بار مصطفی لاکھانی نے وکلاء او ر شہریوں کی ٹارگٹ کلنگ کے خلاف سندھ ہائی کورٹ میں آئینی درخواست دائر کی ہے۔ صدر سندھ ہائی کورٹ بار نے اپنی آئینی درخواست میں وفاق، حکومت سندھ، آئی جی سندھ اور ڈی جی رینجرز کو فریق بنایا ہے۔ انہوں نے اپنی درخواست میں موقف اختیار کیا ہے کہ ٹارگٹ کلنگ کا نشانہ بننے والے وکلاء کے ورثاء کو 25 لاکھ روپے معاوضہ دیا جائے۔ وکلاء کی ٹارگٹ کلنگ پر فریقین سے مکمل رپورٹ طلب کی جائے اور آئی جی سندھ اور ڈی جی رینجرز سے وکلاء کے قتل میں ملوث ملزمان کی گرفتاری سے متعلق تفصیلات معلوم کی جائیں۔ درخواست گزار مصطفی لاکھانی کا کہنا تھاکہ عدالتوں سے سزائے موت پانے والوں کی سزا پر فوری عملدرآمد کرایا جائے۔
مزید خبریں :
