پاکستان
21 جون ، 2013
21 جون ، 2013 
خطے میں جاری جنگ ہماری نہیں، ہم پر مسلط کی گئی، وزیر اطلاعات خیبرپختونخوا
21 جون ، 2013
پشاور … وزیر اطلاعات خیبر پختونخوا شوکت یوسفزئی کا کہنا ہے کہ خطے میں جاری جنگ ہماری اپنی نہیں بلکہ ہم پر مسلط کی گئی ہے، قیام امن کیلئے کھلے دل سے مذاکرات چاہتے ہیں۔ پشاور کے لیڈی ریڈنگ اسپتال میں گلشن کالونی مدرسہ پر خودکش حملے کے زخمیوں کی عیادت کے موقع پر میڈیا سے گفتگو میں شوکت یوسفزئی کا کہنا تھا کہ خطے میں جاری جنگ ہماری اپنی نہیں بلکہ ہم پر مسلط کی گئی ہے، قیام امن کیلئے کھلے دل سے مذاکرات چاہتے ہیں۔ انہوں نے واضح کیا کہ ملک میں قیام امن کیلئے صوبہ میں قیام امن ضروی ہے۔ انہوں نے کہا کہ اگر صوبہ میں واقعات پر قابو نہ پایا گیا تو دہشت گردی کا سلسلہ اسلام آباد سمیت پورے ملک کو اپنی لپیٹ میں لے سکتا ہے۔
