22 جون ، 2013 
متحدہ قومی موومنٹ کی اپیل پر سندھ میں یوم سوگ
22 جون ، 2013
حیدر آباد… رکنِ سندھ اسمبلی ساجد قریشی کے قتل کے خلاف متحدہ قومی موومنٹ کی اپیل پر سندھ میں یوم سوگ منایاجارہاہے ۔ایم کیو ایم کی اپیل پر سندھ کے مختلف شہروں میں یوم سوگ منایا جارہا ہے۔حیدرآباد شہر میں دکانیں، پیٹرول پمپ ،سی این جی اسٹیشن بند اورٹریفک غائب ہے جس سے معمولات زندگی متاثر ہوئے ہیں۔میرپور خاص میں یوم سوگ کے باعث اندرون سندھ آنے اور جانیوالی ٹریفک بھی معطل ہونے سے لوگوں کی مشکلات بڑھ گئی ہیں۔سانگھڑ، شہداد پور، ٹنڈو آدم ،نوکوٹ ،پڈ عیدن اور گولاڑچی میں یوم سوگ کے موقع پر کاروباری مراکز بند ہیں ،پیٹرول پمپ بند ہونیسے ٹریفک کی روانی بھی متاثر ہے۔نواب شاہ میں مارکیٹ روڈ، لیاقت آباد ، پرانا نواب شاہ سمیت مختلف علاقوں میں ٹائر جلاکر سڑکیں بلاک کردی گئی ہیں۔ اسپتال روڈ پر ایک ہوٹل پر نامعلوم افراد کی فائرنگ سے 2 افراد زخمی ہوگئے۔
