پاکستان
08 جولائی ، 2013
08 جولائی ، 2013 
ہنگو میں خودکش حملہ،8 افراد جاں بحق،10 زخمی
08 جولائی ، 2013
ہنگو …ہنگو میں خودکش حملے میں 8 افراد جاں بحق اور 10 زخمی ہوگئے۔پولیس کے مطابق خود کش حملہ آور نے دوآبہ میں تورا وڑی اڈے کے قریب بارود سے بھری موٹرسائیکل ایک کار سے ٹکرا دی، دھماکے کی آواز دور دور تک سنی گئی۔ دھماکے میں 8 افراد موقع پر جاں بحق اور10 زخمی ہوگئے۔۔ بس اڈے پر کھڑی سات گاڑیوں اور متعدد دکانوں کو نقصان پہنچا۔ زخمیوں کو لوگوں نے اپنی مدد آپ کے تحت اسپتال منتقل کیا۔ متعدد زخمیوں کی حالت تشویشناک بتائی جاتی ہے۔ بم ڈسپوزل اسکواڈ کا کہنا ہے کہ دھماکے میں 6 کلو گرام بارود استعمال کیا گیا۔ ذرائع کا کہنا ہے کہ کار میں مقامی قبائلی عمائدین ملک حبیب اللہ اور ممتاز ملک سوار تھے۔
