21 جولائی ، 2013 
الطاف حسین کے جانشین کے بارے میں خبر غلط، گمراہ اور مضحکہ خیز ہے ،رابطہ کمیٹی
21 جولائی ، 2013
کراچی…متحدہ قومی موومنٹ کی رابطہ کمیٹی نے بعض اخبارات میں قائدتحریک الطاف حسین کے جانشین کے بارے میں غورکرنے کی خبروں کو سراسر غلط ،بے بنیاد،گمراہ کن،غیرذمہ دارانہ اورمضحکہ خیز قرار دیا ہے ۔اپنے بیان میں رابطہ کمیٹی نے کہاکہ اس طرح کی خبروں میں کوئی صداقت نہیں اوریہ گمراہ کن خبر یں ایک سازش کے تحت ایم کیوایم کی قیادت کے بارے میں کارکنوں اورعوام میں غلط فہمیاں اور کنفیوژن پیداکرنے کیلئے پھیلائی جارہی ہیں۔رابطہ کمیٹی نے کہاکہ اس طرح کی گمراہ کن اورمضحکہ خیزخبریں پھیلانے اور تبصرے تجزیے کرنے والے صحافی اور تجزیہ کارخواہ کچھ بھی کہیں اورایم کیوایم دشمن عناصر خواہ کتنی ہی سازشیں کرلیں ایم کیوایم کی صفوں میں انتشارکی خواہش وکوشش کرنے والوں کی سازشیں کامیاب نہیں ہوسکیں گی۔رابطہ کمیٹی نے کہاکہ اللہ تعالیٰ کے فضل وکرم سے ایم کیو ایم کے تمام کارکنان وذمہ داران ماضی کی طرح آج بھی الطاف حسین کی قیادت میں پوری طرح متحدومنظم ہیں۔
مزید خبریں :
عمران خان نے آرمی چیف کو تیسرا خط لکھ دیا
3 گھنٹے پہلے
عمران خان نے شیر افضل مروت کو پارٹی سے نکال دیا
5 گھنٹے پہلے
