پاکستان
27 جولائی ، 2013
27 جولائی ، 2013 
خیبرپختونخوا میں پاکستان کی پہلی گشتی عدالت کا آغاز
27 جولائی ، 2013
پشاور…خیبرپختونخوا میں پاکستان کی پہلی گشتی عدالت کا آغاز کر دیا گیا ہے۔یہ عدالت صوبہ کے مختلف علاقوں میں جا کر تنازعات کے فیصلے کرے گی۔گشتی عدالت کا افتتاح پشاور میں چیف جسٹس پشاور ہائی کورٹ جسٹس دوست محمد خان نے ایک تقریب میں کیا۔ میڈیا سے گفت گو میں انہوں نے کہا کہ انصاف کے حصول کیلئے لوگوں کو شہروں میں قائم عدالتوں کا رخ نہیں کرنا پڑے گا۔ بلکہ گشتی عدالتیں دوردراز علاقوں میں پہنچ کر تنازعات فوری حل کریں گی۔ چیف جسٹس نے کہا کہ گشتی عدالتوں کے لئے 9 ججوں اور 18 وکلاء کو تربیت دی گئی ہے اور کوئی بھی شہری فون کر کے گشتی عدالت کو اپنے علاقے بلاسکے گا۔
