15 مارچ ، 2012 
تھانے میں منشیات کا استعمال، وزیر اعلیٰ پنجاب نے نوٹس لے لیا
15 مارچ ، 2012
لاہور… منشیات کی فروخت اوراس کااستعمال قابل سزا جرم ہے۔مگر چیچہ وطنی میں تھانے کے اندر ہی کھلے عام منشیات کا استعمال کیا جاتاہے۔جیونیوزپر خبر نشر ہونے کے بعدوزیراعلیٰ پنجاب نے واقعہ کا نوٹس لیتے ہوئے رپورٹ طلب کرلی ہے۔ بدنصیب افراد اپنے ہی ہاتھوں سرنج کے ذریعے اپنی رگوں میں اندھیرے بھرتے اور جلد موت کاسامان کرتے ہیں مگر یہ مکروہ فعل کسی خفیہ مقام یاسرعام گلی محلے کے نکڑاورسڑک پر نہیں۔بلکہ تھانہ سٹی چیچہ وطنی میں پولیس کی سرپرستی میں کیا جارہا ہے۔ان نشئی افراد کو نہ پولیس والوں کا ڈر ہے نہ ہی ان کی مار کا۔پولیس والوں کی ناک کے نیچے جاری اس عمل کے بارے میں جب پولیس اہلکاروں سے سوال گیا تو ان کاکہنا تھا کہ نشے کے جرم میں پکڑے جانے والے ان افراد کو اگر منشیات کا استعمال نہ کرنے دیا جائے تو یہ حوالات کی سلاخوں سے ٹکریں مار کر خود کو زخمی کرلیتے ہیں۔وزیراعلیٰ پنجاب نے واقعہ کا نوٹس لیتے ہوئے رپورٹ طلب کرلی ہے۔
مزید خبریں :
پی ٹی آئی نے آئی ایم ایف مشن کوڈوزیئر اور خط بھیج دیا
11 گھنٹے پہلے
وزارت ہوابازی بطور الگ وزارت ختم، وزارت دفاع میں ضم کردیا گیا
12 فروری ، 2025
عمران خان نے آرمی چیف کو تیسرا خط لکھ دیا
12 فروری ، 2025
