05 جنوری ، 2012 
کراچی کے مختلف علاقوں میں فائرنگ،5افراد ہلاک،2زخمی
05 جنوری ، 2012
کراچی . . . . . کراچی کے مختلف علاقوں میں فائرنگ کے واقعات میں 5افراد ہلاک جبکہ دو زخمی ہوگئے۔پولیس کے مطابق عیسیٰ نگری میں فائرنگ سے ایک شخص 40 سالہ سعید ولد وکیل ہلاک ہو گیا جس کی لاش کو عباسی شہید اسپتال منتقل کیا گیا، جبکہ پرانی سبزی منڈی کے قریب فائرنگ سے دو افراد زخمی ہوگئے۔۔منگھوپیر سے ایک نامعلوم شخص کی لاش ملی جسے فائرنگ کر کے ہلاک کیا گیا۔ ابراہیم حیدری کے ریڑھی گوٹھ میں نالے سے ایک شخص کی لاش ملی جس کی شناخت نہیں ہوسکی۔ پی آئی بی کالونی میں گھر میں فائرنگ سے 15 سالہ عثمان ہلاک ہو گیا، پولیس نے دعویٰ کیا ہے کہ عثمان نے خودکشی کی ہے۔ کورنگی کراسنگ کے قریب ایک گھر سے محمد کامران کی لاش ملی ہے جو فائرنگ سے ہلاک ہوا، حکام کے مطابق مقتول نشے کا عادی تھا۔
مزید خبریں :
