30 ستمبر ، 2013 
پشاور کیلئے نیا سکیورٹی پلان ترتیب دیا جا رہا ہے ،ایس پی سٹی اسمٰعیل کھاڑک
30 ستمبر ، 2013
پشاور…ایس پی سٹی اسماعیل کھاڑک نے کہا ہے کہ آئی جی خیبرپختون خوا کی ہدایت پرپشاور کے لئے نیا سکیورٹی پلان بنایا جارہا ہے۔جیونیوز سے بات چیت میں ایس پی سٹی اسماعیل کھاڑک نے کہا کہ پشاور میں دہشتگردی کے حالیہ واقعات کے بعد انسپکٹر جنرل خیبرپختون خوا پولیس ناصر درانی کی ہدایت پر نیا سکیورٹی پلان ترتیب دیا جارہا ہے۔ان کا کہنا تھا کہ نئے سکیورٹی پلان کے حوالے سے تاجروں کو بھی اعتماد میں لیا جائے گا۔قصہ خوانی دھماکے کی تحقیقات کے حوالے سے ایس پی سٹی اسماعیل کھاڑک کا کہنا ہے کہ جائے وقوع سے اہم شواہد ملے ہیں جن کا جائزہ لیا جارہا ہے۔ان کا کہنا تھا کہ اس بات کی تحقیقات کی جارہی ہے کہ باروی سے بھری گاڑی اتنے مصروف علاقے میں کیسے پہنچی؟انہوں نے بتایا کہ پولیس نے تین دھماکوں کے بعد کئی مشتبہ افراد کو حراست میں لیا ہے۔
مزید خبریں :
پی آئی اے نے خلیج کیلئے فلائٹ آپریشن بحال کردیا
1 گھنٹے پہلے
محکمہ موسمیات نے کراچی میں بارشوں کی خوشخبری سنادی
23 جون ، 2025
