پاکستان
21 مارچ ، 2012
21 مارچ ، 2012 
وزیراعظم خط لکھ دیں، تصادم اچھی بات نہیں، صدر سپریم کورٹ بار
21 مارچ ، 2012
لاہور… سپریم کورٹ بار ایسوسی ایشن کے صدر یاسین آزاد کا کہنا ہے کہ وزیراعظم کو چاہئے کہ وہ سوئس حکام کو خط لکھ دیں، تصادم اچھی بات نہیں اداروں کو حدود میں رہ کر کام کرنا چاہئے۔واہگہ بارڈر لاہور کے راستے بھارت روانہ ہونے سے پہلے میڈیا سے گفتگو کرتے ہوئے یاسین آزاد کا کہنا تھا کہ اصل مسئلہ صدر کا استثنا ہے سپریم کورٹ اس آئینی مسئلے کی وضاحت کر دے۔ ایک سوال کے جواب میں انہوں نے کہا کہ جب تک کشمیر اور پانی کی تقسیم کا مسئلہ حل نہیں ہوتا پاک بھارت تعلقات مضبوط نہیں ہو سکتے۔ یاسین آزاد کا کہنا تھا کہ وہ امن کی آشا اور جذبہ خیر سگالی کے تحت بھارت جا رہے ہیں بھارت میں کشمیر پر پاکستانی موقف کی وکالت کریں گے۔
