21 مارچ ، 2012 
شہری علاقوں میں مسلمان سب سے زیادہ غریب ہیں، بھارتی کمیشن
21 مارچ ، 2012
نئی دہلی…بھارت کے منصوبہ بندی کمیشن نے دعویٰ کیا ہے کہ ملک میں غریبوں کی تعداد میں کمی ہوئی ہے تاہم شہری علاقوں میں تناسب کے لحاظ سے مسلمانوں میں سب سے زیادہ غربت ہے۔ بھارتی ذرائع ابلاغ کے مطابق حزب اختلاف کا الزام ہے کہ غربت میں کمی کا دعویٰ کر کے بھارتی حکومت اپنی ناکامیاں چھپانے کیلئے تلخ حقائق کی پردہ پوشی کر رہی ہے۔منصوبہ بندی کمیشن نے اپنے اعداد و شمار میں کہا ہے کہ2005ء سے2010ء کے درمیان پانچ کروڑ لوگ غربت کے زمرے سے باہر نکلنے میں کامیاب ہوئے ہیں لیکن کمیشن نے صرف ان لوگوں کو غریب مانا ہے جو روزانہ اٹھائیس روپے سے کم میں گزارا کرتے ہیں۔سروے سے ظاہر ہوتا ہے کہ شہری علاقوں میں آبادی کے تناسب کے لحاظ سے مسلمانوں میں سب سے زیادہ غربت ہے اور سب سے کم عیسائی آبادی کے علاقوں میں ہے۔شہری علاقوں میں 34فیصد مسلمان انتہائی غربت کے درجے میںآ تے ہیں اور سب سے زیادہ صورتحال گجرات، اترپردیش اور بہار میں خراب ہے۔
مزید خبریں :
دنیا بھر میں کرسمس تقریبات کا آغاز،گرجا گھروں میں خصوصی عبادات
25 دسمبر ، 2024
شام کے شہر حماہ میں نامعلوم افراد نےکرسمس ٹری کو آگ لگادی
24 دسمبر ، 2024
سعودی عرب میں رواں سال 300 سے زائد افراد کو سزائے موت دی گئی
24 دسمبر ، 2024
