کراچی…کراچی وسطی کے علاقے انچولی میں چائے کے ایک ہوٹل کے باہر دھماکے کے نتیجے میں5 افراد زخمی ہوئے ہیں ،دھماکوں کے بعد پولیس اور رینجرز نے علاقے کو گھیرے میں لے لیا ہے ۔عینی شاہدین کے مطابق دھماکے کی جگہ پر آگ لگی ہوئی ہے،ادھر ڈی آئی جی ویسٹ کا کہنا ہے کہ فیڈرل بی ایریا بلاک 20 میں دھماکا ہو ا ہے۔پولیس اور سیکورٹی ادارے لوگوں کو دھماکے کی جگہ کے قریب جانے سے روک رہے ہیں تاکہ مزید کسی تباہی سے بچا جاسکے،جبکہ سوئپنگ کا عمل بھی جاری ہے۔دھماکے کی شدت اتنی زیادہ تھی کہ دور دور تک اسکی آواز سنی گئی۔زخمیوں میں دو خواتین اور بچے بھی شامل ہیں۔دھماکے کے ساتھ ہی علاقے کی بجلی منقطع ہوگئی ہے۔متاثرہ مقام یوسف پلازہ کے اسٹا پ کے بالکل قریب واقع ہے،جہاں پر چائے کے ہوٹل میں لوگ بیٹھے چائے پی رہے تھے کہ اچانک دھماکا ہوا۔ ایمبولینس اور ریسکیو ادارے زخمیوں کو یہاں سے منتقل کررہے ہیں۔پولیس ذرائع کا کہنا ہے کہ اب تک پندرہ زخمیوں کو قریب ہی واقع اسپتالوں میں پہنچادیا گیا ہے۔دھماکے کے نتیجے میں قریب واقع دکانوں کو بھی نقصان پہنچا ہے۔