پاکستان
04 دسمبر ، 2013
04 دسمبر ، 2013 
فیصل آباد:14گھنٹے مقابلہ،ملزمان فرار،پولیس نے دو موٹر سائیکلیں پکڑ لیں
04 دسمبر ، 2013
فیصل آباد…فیصل آباد کے علاقے جڑانوالہ میں 14گھنٹے تک جاری رہنے والے پولیس مقابلے میں ملزمان فرار ہوگئے لیکن پولیس خالی ہاتھ نہیں رہی پولیس نے دو موٹر سائیکلیں پکڑ لیں۔پولیس ذرائع کے مطابق جڑانوالہ کے چک 272 کے قریب پولیس نے 3 موٹر سائیکل سواروں کو روکنے کی کوشش کی جس پر ملزمان فائرنگ کرتے ہوئے کھیتوں میں چھپ گئے۔ پولیس کی اضافی نفری اور سی پی او ڈاکٹر حیدر اشرف بھی موقع پر پہنچ گئے اور رات گئے تک پولیس اور ملزمان میں فائرنگ کا تبادلہ جاری رہا اورصبح معلوم ہواکہ ملزمان فرار ہوچکے ہیں۔کھیتوں سے ملزمان کے زیر استعمال 2موٹر سائیکلیں ہی پولیس کے ہاتھ لگیں۔
