18 دسمبر ، 2013 
ریاستی انتخابات، دلی میں کوئی بھی جماعت اکثریت حاصل نہ کر سکی
18 دسمبر ، 2013
نئی دہلی…بھارت میں ہونے والے ریاستی انتخابات میں دلی کی کوئی بھی جماعت اکثریتی ووٹ حاصل نہ کر سکی ،بھارتی جنتا پارٹی ،کانگریس اور عام آدمی پارٹی کو دلی میں حکومت سازی کیلئے ایک دوسرے کی ضرورت ہو گی۔بھارتی میڈیا کا کہنا ہے کہ دلی میں ہونے والے انتخابات میں کوئی جماعت اکثریت حاصل نہیں کرسکی، جس کے باعث اتحادی حکومت بننے کا امکان ظاہر کیا جارہا ہے۔جبکہ نئی دلی کی اسمبلی کی مدت آج پوری ہو رہی ہے،دوسری جانب دلی کے لیفٹیننٹ گورنرنجیب جھنگ آج گورنرراج نافذ کرنے سے متعلق فیصلہ کریں گے۔عام آدمی پارٹی دلی میں حکومت بنائے گی یا نہیں، اب تک واضح نہیں ہوسکا،عام آدمی پارٹی نے کانگریس سے الحاق کے لیے عوام کی رائے جاننے کیلئے ایس ایم ایس مہم اتوار کو شروع کرنے کا ارادہ ظاہر کیا ہے، جس کے بعد ہی عام آدمی پارٹی حکومت سازی کے لیے فیصلہ کرے گی۔
