24 دسمبر ، 2013 
مانسہرہ :دو بم دھماکوں میں پولیس اہلکار جاں بحق ،چھ افراد زخمی
24 دسمبر ، 2013
مانسہرہ …مانسہرہ میں دو بم دھماکوں میں پولیس اہل کار جاں بحق اور 2 اہل کاروں سمیت چھ افراد زخمی ہوگئے۔ ڈی پی او مانسہرہ ڈاکٹر خرم رشید نے بتایا کہ پہلا دھماکا دوپہر میں جیل روڈ پر ہوا۔ دیسی ساختہ ریموٹ کنٹرول بم سڑک کے کنارے بوری میں رکھا گیا تھا۔ کارروائی کا مقصد جیل جانے والی موبائل کو نشانہ بنانا تھا۔ دھماکے سے موبائل کو معمولی نقصان پہنچا تاہم اس کے پیچھے آنے والی گاڑی میں سوار 3 افراد زخمی ہوگئے۔ 5گھنٹے بعد اسی سڑک پر دوسرا دھماکا ہوا۔ اس دھماکے کے ذریعے پولیس وین میں موجود جیل اسٹاف کو نشانہ بنایا گیا ۔ دھماکے میں اورنگ زیب نامی پولیس اہل کار جاں بحق اور 2پولیس اہلکاروں سمیت 3افراد زخمی ہوئے۔ دھماکے سے قریبی عمارتوں کے شیشے ٹوٹ گئے۔ پولیس کے مطابق دھماکے میں 3کلو بارودی مواد استعمال کیا گیا۔
مزید خبریں :
چیئرمین واپڈا سجاد غنی نے عہدے سے استعفیٰ دے دیا
2 گھنٹے پہلے
کراچی کے مختلف علاقوں میں ایک بار پھر زلزلے کے جھٹکے
2 گھنٹے پہلے
ایران اسرائیل جنگ سے بلوچستان کیوں متاثر ہورہا ہے؟
20 جون ، 2025
