24 دسمبر ، 2013 
بنگلادیش: خالدہ ضیاء کا عام انتخابات کے خلاف عوامی مارچ کا اعلان
24 دسمبر ، 2013
ڈھاکا…بنگلا دیش میں اپوزیشن رہ نما خالدہ ضیاء نے 5 جنوری کو ہونے والے عام انتخابات کے خلاف عوامی مارچ کا اعلان کردیا۔بنگلا دیش میں اپوزیشن لیڈر خالدہ ضیاء نے 5جنوری کو ہونے والے عام انتخابات کے خلاف عوامی مارچ کی کال دے دی ہے۔ دارالحکومت ڈھاکا میں اپوزیشن رہ نما خالدہ ضیاء کی جانب سے جنوری میں ہونے والے عام انتخابات کے خلاف عوامی مارچ، دھرنوں اور حکومت مخالف مظاہروں کا اعلان کر دیا گیا ہے۔ بنگلا دیش میں 5جنوری کو عام انتخابات کرانے کے حکومتی فیصلے کے خلاف اکتوبر سے حالات کشیدہ ہیں اور اپوزیشن اور حکومتی فورسز کے درمیان جھڑپوں میں اب تک 100سے زائد افراد ہلاک ہو چکے ہیں۔ اپوزیشن مظاہروں اور کشیدگی کے پیش نظر حکومت نے انتخابات کے موقع پر ملک میں فوج تعینات کرنے کا بھی فیصلہ کیا ہے۔
مزید خبریں :
