24 دسمبر ، 2013 
پاکستان میرا دوسرا گھر ہے، ترک وزیراعظم اردوان کا محبت بھرا بیان
24 دسمبر ، 2013
ترک وزیراعظم نے پاکستان کو اپنا دوسرا گھر قرار دیا ہے۔ وزیراعظم نوازشریف نے کہا ہے کہ ترک کمپنیاں پاکستان میں سرمایہ کاری کے مواقع سے فائدہ اٹھائیں۔ترک وزیراعظم طیب اردگان نے وزیر اعظم نواز شریف سے اسلام آباد میں ملاقات کی جس میں دو طرفہ تعلقات اور خطے کی سیکیورٹی صورتحال پر بات کی گئی۔ ترک وزیراعظم کا کہناتھاکہ خطے کی ترقی کے لیے مشترکہ کوششوں کو فروغ دینا ہوگا۔مشترکہ اعلامیے کے مطابق پاکستان اور ترکی نے تعلیم،تجارت،توانائی، موٹرویز، ریل انفرسٹرکچر اور تعمیرات کے شعبوں میں سرمایہ کاری کے فروغ جب کہ مشترکہ دفاعی پیدوار سمیت دیگر شعبوں میں تعلقات اور وفود کے تبادلے بڑھانے کا فیصلہ کیا ہے۔ وزیراعظم نوازشریف کا کہنا ہے کہ پاکستان اور ترکی کو ایک دوسرے کے تجربات سے فائدہ اٹھانا چاہیے۔ پاکستان اور ترکی نے اسپورٹس،قدرتی آفات اور تجارت کے شعبوں میں مفاہمت کی تین یادداشتوں پر دست خط بھی کیے ہیں جبکہ وزیراعظم نوازشریف نے اپنے ہم منصب کی جانب سے دورہ ترکی کی دعوت قبول کرلی ہے۔
مزید خبریں :
چیئرمین واپڈا سجاد غنی نے عہدے سے استعفیٰ دے دیا
2 گھنٹے پہلے
کراچی کے مختلف علاقوں میں ایک بار پھر زلزلے کے جھٹکے
2 گھنٹے پہلے
ایران اسرائیل جنگ سے بلوچستان کیوں متاثر ہورہا ہے؟
20 جون ، 2025
