25 دسمبر ، 2013 
کرسمس تہوار ،مسیحی برادری کیلئے بے پناہ خوشیوں کا پیغام
25 دسمبر ، 2013
لاہور…کرسمس کا تہوار مسیحی برادری کیلئے بے پناہ خوشیاں لاتا ہے، مسیحیوں کیلئے یہ تہواراپنے اندر کئی رنگ رکھنے کے ساتھ دلی طمانیت اور انواع و اقسام کے ذائقے اور لذتیں بھی لیے ہوتا ہے۔حضرت عیسیٰ علیہ السلام کا یوم پیدائش مسیحی برادری کیلئے بے پناہ خوشیاں لیکر آتا ہے، سرخ اورسفید لباس میں ملبوس سانتا کلاز اورکرسمس ٹری، اس تہوار کی نمایاں پہچان ہیں جو کرسمس کے دنوں میں مسیحیوں کے دل و دماغ میں عقیدت کے سارے رنگ لیے ہوتے ہیں، مسیحی اس تہوار کو مٹھائی،کیک اور تحفے تحائف کے بغیر نامکمل سمجھتے ہیں۔خوشی کا کوئی مخصوص مذہب ہوتا ہے نہ ہی کوئی رنگ، دیگر مذاہب کے لوگ بھی دوستی اور بھائی چارے کے جذبے کیساتھ مسیحی بھائیوں کی ان خوشیوں میں برابر شریک ہوتے ہیں۔حضرت عیسیٰ علیہ السلام کی ولادت با سعادت کے موقعے پر جہاں ہر سو خوشیاں مسکراتی ہیں، وہاں خوش ذائقہ رنگ برنگے کرسمس کیک بھی اس تقریب کا اہم حصہ ہیں۔
