28 دسمبر ، 2013 
ٹھٹھہ:کینجھرجھیل میں واقع مزارسے5افرادکی لاشیں برآمد
28 دسمبر ، 2013
ٹھٹھہ…ٹھٹھہ کی کینجھرجھیل میں واقع مزارسے5افرادکی لاشیں ملی ہیں،پولیس کے مطابق کینجھرجھیل میں واقع نوری جام تماچی کے مزار سے 5افراد کی لاشیں ملی ہیں، ہلاک ہونے والے پانچوں افراد کا تعلق کراچی سے بتایا جاتا ہے۔ نمائندہ جیو شاہد صدیقی کے مطابق کراچی کے پانچ افراد ٹھٹھہ کی کینجھر جھیل پہنچے تھے جہاں انہوں نے ایک کشتی کرائے پر لی اور اس کشتی والے سے جھیل کے وسط میں واقع نوری جام تماچی کے مزار چلنے کو کہا اور اس سے کہا کہ کچھ دیر بعد انہیں آکر لے جائے جب کشتی والا وہاں انہیں واپس لانے کیلئے پہنچا تو اس نے پانچوں افراد کی خون میں لت پت لاشیں دیکھیں جس پر اس نے پولیس کو اطلاع دی۔ پانچوں افراد کو نامعلوم افراد نے فائرنگ کرکے قتل کیا۔ علاقے میں اس واقعے کے بعد خوف و ہراس پھیل گیا جب کہ پولیس واقعے کی تفتیش کر رہی ہے۔
