17 جنوری ، 2014 
مرکزی بینک آج مانیٹری پالیسی کا اعلان کرے گا
17 جنوری ، 2014
کراچی…مرکزی بینک آج آئندہ دو ماہ کے لیے مانیٹری پالیسی کا اعلان کرے گا ،اقتصادی ماہرین بنیادی شرح سود مستحکم رہنے کی توقع کر رہے ہیں۔اسٹیٹ بینک کے گورنر یاسین انور آج مانیٹری پالیسی کا اعلان کریں گے۔ جیو نیوز کی جانب سے کرائے گئے سروے کے مطابق 11 میں سے 8 ماہرین کا اس بات پر اتفاق ہے کہ مہنگائی کی شرح کو دیکھتے ہوئے اسٹیٹ بینک اسے 10 فیصد پر برقرار رکھے گا جبکہ 3 ماہرین کا کہنا ہے روپے کی قدر کو سنبھالنے کے لیے ہوسکتا ہے کہ شرح سود میں نصف فیصد اضافہ کردیا جائے۔ گزشتہ 2ماہ کے دوران صنعتی شعبے نے بھی بینکوں سے قرضے کے حصول میں تیزی کردی ہے جو اس بات کا ثبوت ہے کہ ملکی معیشت بہتری کی جانب گامزن ہے۔رواں مالی سال کے آغاز سے اب تک بنیادی شرح سود میں 1 فیصد اضافہ کیا گیا ہے ۔
مزید خبریں :
پنجاب حکومت نے زرعی آمدن پر ٹیکس میں اضافہ کردیا
21 جون ، 2025
وفاقی حکومت کا 5 لاکھ ٹن چینی درآمد کرنے کا فیصلہ
20 جون ، 2025
ملک میں فی تولہ سونا سیکڑوں روپے سستا ہوگیا
20 جون ، 2025
