18 جنوری ، 2014 
پارا چنار:درجہ حرارت منفی 11ڈگری سینٹی گریڈ تک گرگیا
18 جنوری ، 2014
پارا چنار…ملک کے بالائی علاقوں میں سردی کی شدت برقرار ہے۔ پارا چنار میں درجہ حرارت منفی 11ڈگری سینٹی گریڈ تک گرگیا۔ گلگت بلتستان کے بیشترعلاقوں میں موسم ابر آلود ہے۔ بالائی پہاڑی علاقوں کے ساتھ ساتھ میدانی علاقوں میں سردی کی شدت بڑھ گئی ہے۔وادی کوئٹہ سمیت بلوچستان میں خشک سردی کی لہر برقرار ہے جس کی وجہ سے بچے اوربڑے گلے اور سینے کی بیماریوں میں مبتلا ہورہے ہیں۔ دوسری جانب سردی اور دھند نے پنجاب کے کئی حصوں کو اپنی لپیٹ میں لے رکھا ہے جس کے باعث روز مرہ معمولات شدید متاثر ہورہے ہیں۔آئندہ 24 گھنٹوں کے دوران ملک کے بالائی علاقوں میں بادل چھائے رہنے کے علاوہ گوجرانوالہ ، لاہور ڈویژن ، کشمیر اور اس سے ملحقہ پہاڑی علاقوں میں چند مقامات پر ہلکی بوندا باندی اور پہاڑوں پر ہلکی برفباری ہوسکتی ہے ، تاہم ملک کے دیگر علاقوں میں موسم بدستور خشک اور سرد رہے گا۔
مزید خبریں :
