19 جنوری ، 2014 
چند ہفتوں میں واہگہ بارڈر سے 24 گھنٹے تجارت شروع ہوجائیگی، خرم دستگیر
19 جنوری ، 2014
اسلام آباد…وفاقی وزیر تجارت خرم دستگیر نے کہا ہے کہ چند ہفتوں کے اندر واہگہ بارڈر سے چوبیس گھنٹے تجارت شروع ہوجائے گی، پاکستان کو بھارت کی ایک ارب آبادی کی منڈی ملے گی، ہمارے لاکھوں افراد کو روزگار ملے گا،انہوں نے یہ بات بھارت میں سارک وزرائے تجارت کے اجلاس میں شرکت کے بعد لاہور واپس پہنچنے پر کہی۔ واہگہ بارڈر پر میڈیا سے گفتگو کرتے ہوئے خرم دستگیر کا کہنا تھا کہ سارک اجلاس میں تجارت کے فروغ پر اتفاق ہوا۔بھارت سے برابری کی بنیاد پر مارکیٹوں تک رسائی دینے پر بات ہوئی ہے۔ واہگہ بارڈر پر 24 گھنٹے تجارت جاری رکھنے پر بھی اتقاق کیا گیا ہے۔ اس فیصلے پر عمل درآمد آئندہ چند ہفتوں میں ہو جائے۔خرم دستگیر نے کہا کہ بھارت سے تجارت سے پاکستان کو ایک ارب سے زائد آبادی کی منڈی ملے گی جس سے ہمارے لاکھوں افراد کو روزگار ملے گا اور زر مبادلہ میں اضافہ ہو گا۔
مزید خبریں :
پنجاب حکومت نے زرعی آمدن پر ٹیکس میں اضافہ کردیا
21 جون ، 2025
وفاقی حکومت کا 5 لاکھ ٹن چینی درآمد کرنے کا فیصلہ
20 جون ، 2025
ملک میں فی تولہ سونا سیکڑوں روپے سستا ہوگیا
20 جون ، 2025
