20 جنوری ، 2014 
سونے کی درآمد پر 30 دن کیلئے پابندی لگانے کا فیصلہ
20 جنوری ، 2014
اسلام آباد…وزیر خزانہ اسحاق ڈار کی زیر صدارت اقتصادی رابطہ کمیٹی کا اجلاس ہوا۔ای سی سی کے ذرائع کے مطابق اجلاس میں سونے کی درآمد پر 30دن کے لیے پابندی لگانے کا فیصلہ کیا گیا۔سونے کی درآمد پر پابندی روپے کی قدر میں استحکام کے لیے ہوگی۔ وزارت خزانہ کے ذرائع کے مطابق گزشتہ سال اگست میں بھی حکومت نے ایک ماہ کیلئے سونے کی درآمد پر پابندی عائد کی تھی۔ جس کے بعد حکومت نے گولڈ امپورٹرز کو 5 ہزار کلو گرام سونا اس شرط پر درآمد کرنے کی اجازت دی تھی کہ یہ سارا کا سارا زیورات بنا کر ری ایکسپورٹ کردیا جائے۔امپورٹرز نے 4 ہزار کلو گرام سونا درآمد کیا لیکن اس میں سے صرف ایک ہزا ر کلو گرام سونا دوبارہ برآمد کیا جاسکا۔سونے کی ایکسپورٹ کم ہونے سے ڈالر کی رسد میں بھی کمی آتی ہے اور اوپن مارکیٹ میں روپیہ دباوٴ کا شکار ہوجاتا ہے۔ڈیلرز کے مطابق اوپن مارکیٹ میں ڈالر 106 روپے 75 پیسے پر فروخت ہو رہا ہے اور انٹر بینک کے مقابلے یہ سوا روپے مہنگا ہے۔
مزید خبریں :
پنجاب حکومت نے زرعی آمدن پر ٹیکس میں اضافہ کردیا
21 جون ، 2025
وفاقی حکومت کا 5 لاکھ ٹن چینی درآمد کرنے کا فیصلہ
20 جون ، 2025
ملک میں فی تولہ سونا سیکڑوں روپے سستا ہوگیا
20 جون ، 2025
