29 جنوری ، 2014 
امریکا بدستور برفباری کی لپیٹ میں ، 3 ریاستوں میں ایمرجنسی ،5 ہلاک
29 جنوری ، 2014
نیویارک…امریکا بدستور ٹھنڈ اور برفباری کی لپیٹ میں ہے، نظام زندگی مفلوج ہوکر رہ گیا، تین ریاستوں میں ایمرجنسی لگا دی گئی ہے۔ مختلف حادثات میں 5 افراد ہلاک ہوچکے ہیں۔ امریکی جنوبی ریاستیں شدید سردی کی لپیٹ میں ہیں۔ یخ بستہ ہواؤں کے ساتھ بارش اور برفباری نے لوگوں کی مشکلات میں اضافہ کردیا ہے۔ریاست الاباما کے شہر برمنگھم میں 800 بچے برفباری کے باعث اسکولوں میں پھنس کررہ گئے ہیں۔ برفباری کے باعث ٹریفک کے مختلف حادثات میں 5افراد ہلاک ہوئے ۔ٹیکساس ،جارجیا،کیرولینا اور ورجینیا میں مزید برفباری کاکا امکان ہے۔ برفانی طوفان کے پیش نظر نارتھ کیرولینا کے گورنر نے ریاست میں ایمرجنسی لگا دی ۔کئی اسکول پہلے ہی بند ہیں جبکہ شہریوں کو احتیاط سے گاڑی چلانے کی ہدایت کی گئی ہے۔ ملک بھر میں 3ہزار پروازیں منسوخ ہیں۔ محکمہ موسمیات نے نارتھ اینڈ ساوٴتھ کیرولینا، جارجیا اور فلوریڈا میں مزید سرد موسم کی پیش گوئی کی ہے ۔
مزید خبریں :
کولمبیا کے صدارتی امیدوار قاتلانہ حملے میں شدید زخمی
08 جون ، 2025
غزہ میں اسرائیلی جارحیت جاری، مزید 36 فلسطینی شہید ہوگئے
08 جون ، 2025
