پاکستان
21 جنوری ، 2012
21 جنوری ، 2012 
سینیٹ الیکشن:اعتزازاحسن،بابراعوان پنجاب سے اُمیدوار ہوں گے
21 جنوری ، 2012
لاہور…پیپلزپارٹی نے پنجاب میں سینیٹ کی سیٹوں کے اُمیدواروں کے حوالے سے مشاورت کا عمل مکمل کر لیا۔ دو جنرل سیٹوں پر چوہدری اعتزاز احسن اور بابر اعوان کے نام تجویز کئے گئے ہیں۔پیپلز پارٹی کے ذرائع کے مطابق مشاورت کے عمل میں فریال تالپور، جہانگیر بدر، راجا ریاض اور امتیاز صفدر وڑائچ شریک ہوئے۔ سینیٹ الیکشن کے لئے پیپلز پارٹی کے امیدواروں کے ناموں کی حتمی منظوری پارٹی قیادت آئندہ چند دنوں میں دے گی۔ ذرائع کے مطابق ٹیکنو کریٹ کی سیٹ پر مسلم لیگ ق کے امیدوار کی حمایت کی جائے گی۔ جبکہ خواتین کی مخصوص نشست پر مسلم لیگ ق پیپلز پارٹی کے امیدوار کی حمایت کرے گی۔
مزید خبریں :
