09 فروری ، 2014 
”غنڈے“اسٹارز پاکستان آنے کو بیتاب !
09 فروری ، 2014
ممبئی…بالی وڈ فلم "غنڈے" کے اسٹار ز پاکستان آنے کو بیتاب ہیں اور جلدیہاں آ کر اپنے آباوٴ اجداد کی سرزمین کو دیکھنا اور دوستوں ،پرستاروں سے ملناچاہتے ہیں۔جی ہاں ،ہم بات کر رہے ہیں بالی وڈ اسٹار ز رنویر سنگھ اور ارجن کپور کی ،جنہوں نے تھوڑا عرصہ پہلے اداکاری کے میدان میں قدم رکھا ، جانداری اداکاری کے ذریعے اپنی نئی فلم ’غنڈے‘ کو ایکشن ،رومانس اور تفریح کے دلکش سنگم میں ڈھالا ہے۔فلم غنڈے کے حوالے سے جیو نیوز سے خصوصی گفتگو کرتے ہوئے رنویر سنگھ اور ارجن کپور نے کہا کہ پاکستان کا نام آتے ہی انہیں اپنے دادا اور دادی کی یاد آ جاتی ہے جو کراچی سے ہجرت کر کے ممبئی چلے آئے تھے ۔بالی وڈ اسٹارز نے لالی وڈ اسٹار علی ظفر سے بھی اپنی دوستی کا ذکر کیا ،ان کاکہنا تھا کہ علی ظفر اور ان کی اہلیہ انہیں اورپریانکا چوپڑا کو کئی بار پاکستان آنے کی دعوت دے چکے ہیں۔رنویر سنگھ اور ارجن کپور نے جنگ گروپ اور ٹائمز آف انڈیا کے تعاون اور اشتراک سے جاری ”امن کی آشا “ کی کاوشوں کو بھی سراہا۔
مزید خبریں :
ندا یاسر کو میزبانی کا شوق کسے دیکھ کر ہوا؟
15 جون ، 2025
بھارتی اداکارہ ثنا مقبول جگر کے عارضے میں مبتلا
14 جون ، 2025
