17 فروری ، 2014 
پاکستان میں ڈروں حملوں کیلئے امریکا کی متبادل حکمت عملی
17 فروری ، 2014
واشنگٹن …امریکی میڈیاکا کہنا ہے کہ امریکا افغانستان سے انخلا کے بعد وسط ایشیا کے ہوائی اڈے استعمال کرنے کے لئے منصوبہ بنارہا ہے۔امریکی میڈیا نے حکام کے حوالے سے رپورٹ دی ہے اوباما انتظامیہ نے افغانستان سے امریکی فوج کے انخلا کے بعد پاکستان کے شمال مغربی علاقوں میں ڈرون حملوں کے لئے وسط ایشیا کے ہوائی اڈے استعمال کرنے کے لئے ہنگامی منصوبہ بناناشروع کردیا ہے۔حکام کا کہنا ہے کہ اگر متبادل اڈے محفوظ ہوں تو سی آئی اے القاعدہ کے لئے کام کرنے والوں کے خلاف انٹیلی جینس معلومات جمع کرکے پاکستان کے قبائلی علاقوں کی پہاڑیوں میں مخصوص مقامات پر ڈرون حملے کرے گی۔ امریکی حکام کا کہنا ہے کہ سی آئی امریکی فوج کے تحفظ کے بغیر افغان اڈوں سے ڈرون نہیں اڑاسکتی۔افغانستان سے باہر سے حملوں کے لئے امریکا اوینجرنامی نئے ڈرون پروگرام شروع کرنے پر غورکررہا ہے،نیا ڈرون پروگرام تیز رفتاری کے باعث افغانستان کے باہرسے بھی حملوں کیلئے بہترآپشن ہوگا۔
مزید خبریں :
ٹرمپ جہاز کی سیڑھیاں چڑھتے ہوئے لڑکھڑا گئے
7 گھنٹے پہلے
ملائیشیا میں یونیورسٹی بس کو حادثہ، 15طالبعلم جاں بحق
10 گھنٹے پہلے
ویڈیو: پیٹرول پمپ پر آئے شخص کو سگریٹ پینا مہنگا پڑ گیا
09 جون ، 2025
