23 فروری ، 2014 
بورے والا :پولیس بس کی کارکو ٹکر،دلہن ،دولھا سمیت 8 افراد جاں بحق
23 فروری ، 2014
بورے والا…بورے والا میں ٹریفک حادثہ دو خاندانوں کی خوشیاں نگل گیا۔حادثے میں نئی نویلی دلہن ،دولھا اور ان کے ساتھ آنے والے ایک ہی خاندان کے 6 افراد بھی زندگی کی بازی ہارگئے۔ مقدمہ پولیس اہل کاروں کے خلاف درج کرکے بس ڈرائیورکو گرفتار کرلیا گیا۔ایک روز قبل فیصل آباد کی تحصیل سمندری اور بورے والا کے جن گھروں میں شادی کی شہنائیاں گونج رہی تھیں۔آج وہاں صف ماتم بچھی ہوئی ہے۔بورے والا سے سمندری بیاہی گئی پروین ،اپنے دولھا ارشد اور دیگر رشتے داروں کے ساتھ میکے جارہی تھی۔ چیچہ وطنی روڈ پر وہ ہوگیا،جو کسی کے وہم و گمان میں بھی نہ تھادولھا دلہن کی کار مخالف سمت سے آنے والی پولیس کی بس سے ٹکراگئی۔حادثے میں دولھاارشد اور اس کی نئی نویلی دلہن پروین جاں بحق ہوگئے۔لیکن خوفناک حادثے نے ایک پورا کنبہ بھی ختم کردیا۔دلہن پروین کو اپنی کار میں واپس لانے والا اس کا کزن جمیل،اس کی بیوی،7سالہ بیٹا فرید،10 سالہ بیٹا کامران اور 18 سالہ بھتیجی ثنا بھی حادثے کا شکار ہوگئے۔ جمیل کی 5 سالہ بیٹی فرزانہ زخمی ہوئی اور اسپتال میں زیر علاج ہے۔
مزید خبریں :
گوادر میں زلزلے کے جھٹکے، شدت 3 ریکارڈ
3 گھنٹے پہلے
کراچی اور اورماڑہ میں زلزلے کے جھٹکے محسوس کیے گئے
4 گھنٹے پہلے
