لندن…متحدہ قومی موومنٹ کی رابطہ کمیٹی کے ڈپٹی کنوینرڈاکٹرخالدمقبول صدیقی نے کہاہے کہ آج کاپاکستان قائداعظم محمدعلی جناح اورعلامہ اقبال کے وژن کاپاکستان نہیں بلکہ یہ مذہبی انتہاپسندوں، جاگیرداروں اورمراعات یافتہ طبقہ کی ز نجیروں میں جکڑاہواپاکستان ہے، پاکستان کوحقیقی معنوں میں ان زنجیروں سے آزادکراناہے اور پاکستان کوبچاناہے توپوری قوم کوقائدتحریک الطاف حسین کی قیادت میں متحدہوناہوگااسی صورت میں ہم اپنے خوابوں کی منزل پرپہنچ سکتے ہیں۔ انہوں نے یہ بات ایم کیوایم یوکے کے زیراہتمام لندن میں ایم کیوایم کے 30ویں یوم تاسیس کے سلسلے میں منعقدہ اجتماع سے خطاب کرتے ہوئے کہی جس میں لندن، برمنگھم، مانچسٹر، بریڈفورڈ،شیفلڈ اوردیگرشہروں میں مقیم ایم کیوایم کے کارکنوں اورہمدردپاکستانیوں نے بڑی تعدادمیں شرکت کی ۔اجتماع میں پاکستان سے آئے ہوئے رابطہ کمیٹی کے ارکان عبدالحسیب ، خالدسلطان اوررابطہ کمیٹی لندن کے ارکان طارق جاوید، مصطفےٰ عزیزآبادی بھی شریک تھے۔ڈاکٹر خالد مقبول صدیقی نے حاظرین کویوم پاکستان اورایم کیوایم کے یوم تاسیس کی مبارکبادپیش کرتے ہوئے کہاکہ ہمارے بزرگوں نے 23مارچ 1940ء کوقیام پاکستان کی بنیادرکھی،پاکستان تواس کے سات سال کے اندرحاصل کرلیاگیا لیکن قیام پاکستان کے مقاصدآج تک حاصل نہیں ہوئے، پاکستان کوجاگیردارانہ نظام کی زنجیروں نے جکڑلیا،یہ جاگیردارانہ نظام جمہوریت کی ضدہے۔ اسی فرسودہ نظام کی وجہ سے آج تک عوام کوحقوق نہیں ملے،آج بھی عام پاکستانی زندگی کی بنیادی سہولتوں سے محروم ہیں لہٰذا بانیان پاکستان کی اولادوں کو18مارچ 1984ء کوایم کیوایم کی شکل میں ایک بارپھراپنی جدوجہدکے نئے سفرکاآغازکرناپڑا، لوگ کہتے ہیں کہ ایم کیوایم سے قبل حالات بہت اچھے تھے ، ایم کیوایم کی وجہ سے خراب ہوئے۔ انہوں نے کہاکہ ایم کیو ایم سے قبل بڑی بڑی سیاسی ومذہبی جماعتیں سیاسی میدان عمل میں تھیں،اگرحالات بہت اچھے ہوتے ،عوام کوان کے حقوق میسرآرہے ہوتے تو قائدتحریک الطاف حسین کوایم کیوایم بنانے کی ضرورت پیش نہ آتی،ایم کیوایم سے قبل موجود تمام سیاسی ومذہبی جماعتیں عوام کی محرومی دورنہیں کرسکیں،اسی وجہ سے ایم کیوایم وجودمیں آئی۔انہوں نے کہاکہ ایم کیوایم وہ واحدجماعت ہے جو موروثی سیاست نہی کرتی، قائدتحریک الطاف حسین کے خاندان نے تحریک کی جدوجہدکے دوران جان ومال کی قربانی ضروردی لیکن اسمبلیوں یااقتدارکے ایوانوں میں قائدتحریک الطاف حسین کے خاندان کاکوئی فردنہیں، الطاف حسین نے اپنی بصیرت کوحقیقت میں تبدیل کیااورجوکہاوہ کرکے دکھایا،انھوں نے کہاکہ آج پاکستان کو دہشت گردی کی جس لہرکا سامنا ہے اس خطرے سے قائدتحریک نے کئی سال قبل ہی آگاہ کردیاتھا ۔پاکستان کوبچانے کیلئے پوری قوم کومتحدہونا ہوگااسی صورت میں ہم اپنے خوابوں کی منزل پر پہنچیں گے۔رکن رابطہ کمیٹی عبدالحسیب نے کہاکہ قائدتحریک الطاف حسین صرف مہاجروں کی نہیں بلکہ تمام محروموں اورمظلوموں کی آوازہیں، خالدسلطان نے کہاکہ 23مارچ اور18مارچ دونوں تاریخیں ہمارے بزرگوں کے خون سے لکھی گئی ہیں ۔ڈاکٹر سلیم دانش نے کہاکہ پاکستان میں اگرکوئی لیڈرحقیقی تبدیلی لاسکتاہے تو وہ صرف الطاف حسین ہیں۔اجتماع سے سہیل خانزادہ، ہاشم اعظم اور حباء دانش نے بھی خطاب کیا۔ اس موقع پر ایم کیوایم کے 30 ویں یوم تاسیس کی خوشی میں کیک بھی کاٹاگیا۔