لندن…متحدہ قومی موومنٹ کے قائد الطاف حسین نے ایم کیوایم سرجانی ٹاؤن سیکٹرکے کارکن ذوالفقارحیدرکی شہادت پرگہرے رنج وغم اورافسوس کااظہارکیاہے۔ایک بیان میں الطاف حسین نے ذوالفقارحیدرشہیدکے سوگوارلواحقین سے دلی تعزیت وہمدردی کااظہارکرتے ہوئے انہیں صبرکی تلقین کی اورکہاکہ مجھ سمیت ایم کیوایم تمام کارکنان دکھ اورافسوس کی اس گھڑی میںآ پ کے غم میں برابرکے شریک ہیں۔الطاف حسین نے دعاکی کہ اللہ تعالیٰ ذوالفقارحیدرشہیدکواپنی جواررحمت میں اعلیٰ مقام عطافرمائے اور سوگوار لواحقین کویہ صدمہ برداشت کرنے کاحوصلہ دے۔(آمین)۔دریں اثناء متحدہ قومی موومنٹ کی رابطہ کمیٹی نے سرجانی ٹاؤن سیکٹریونٹ05کے کارکن ذوالفقارحیدرولدولی محمدکوموٹرسائیکل سواردہشت گردوں کی جانب سے فائرنگ کرکے قتل کرنے کی سخت ترین الفاظ میں مذمت کی ہے اور ذوالفقارحیدرکے قتل کوشہرکاامن خراب کرنے کی سازش کاتسلسل ہے ۔ایک بیان میں رابطہ کمیٹی نے کہاکہ امن دشمن عناصر شہر کا امن خراب کرنے کیلئے تسلسل کے ساتھ ایم کیوایم کے کارکنان اور ہمدردوں کودہشت گردی کانشانہ بنارہے ہیں جبکہ شہرمیں جرائم پیشہ عناصر،بھتہ خوراوردہشت گردوں کے خلاف جاری ٹارگٹڈآپریشن کے باوجود کارکنان اورہمدردوں کوبے دردی سے قتل کیاجاچکاہے تاہم آج تک کوئی ایک دہشت گرد گرفتار نہیں کیاجاسکاجوٹارگٹڈآپریشن میں ملوث پولیس ودیگرقانون نافذ کرنیوالے اداروں کی کارکردگی پرسوالیہ نشان ہے۔رابطہ کمیٹی نے سوگوار لواحقین سے کرتے ہوئے گورنرسندھ ڈاکٹرعشرت العباداوروزیراعلیٰ قائم علی شاہ سے مطالبہ کیاکہ ذوالفقارحیدر سمیت ایم کیوایم کے کارکنان اورہمدردوں کے قتل کے واقعات کانوٹس لیاجائے اورشہرکاامن خراب کرنے والے دہشت گردوں کوگرفتارکرکے عبرتناک سزا دی جائے ۔علاوہ ازیں ذوالفقارحیدرشہیدکوسینکڑوں سوگواران کی موجودگی میں صدیق آبادنیوکراچی نمبر6کے قبرستان میں سپرد خاک کردیاگیا۔نمازجنازہ اورتدفین میں ارکان رابطہ کمیٹی سیف یارخان،گلفرازخان خٹک،حق پرست اراکین اسمبلی اور کارکنان و لواحقین نے شرکت کی ۔علاوہ ازیں رابطہ کمیٹی نے سندھ کے معروف شاعر ، محقق اور ادیب سید راشدعلی عرف راشد مورائی اور ایم کیو ایم پی آئی بی سیکٹر یونٹ 58 -A کے کارکن واحدسلطا ن کی بہن روشن، شاہ فیصل سیکٹر یونٹ 103-Bکے یونٹ انچارج مرزا آفاق بیگ کے والد مرزا عظیم بیگ ، ایم کیوایم صوبائی تنظیمی کمیٹی بلوچستا ن کمیٹی کے رکن ملک جنت گل کا کڑ کے والد ملک جمعہ گل کا کڑکے انتقال پر گہرے دکھ اور افسوس کاا ظہار کیا ہے۔اپنے تعزیتی بیان میں رابطہ کمیٹی نے تمام مرحومین کے تمام لواحقین سے دلی تعزیت و ہمدردی کااظہار کرتے ہوئے دعا کی کہ اللہ تعالیٰ مرحومین کو اپنی جواررحمت میں اعلیٰ مقام عطا فرمائے اور لواحقین کو صبر جمیل عطا کرے۔(آمین)