30 جون ، 2014 
اسرائیل کا میزائل حملے کا الزام ، غزہ پررات بھر بمباری
30 جون ، 2014
غزہ .....اسرائیلی حکام نے کہا ہے کہ غزہ کی پٹی کے جانب سے اسرائیلی سرزمین کے طرف دس میزائیل فائر کیئے گئے ہیں، دوسری جانب رات گئے غزہ پر اسرائیلی فضائیہ کے حملے جاری رہے ۔اسرائیلی فوج کا کہنا ہے کہ کل اسرائیلی فضائیہ نے غزہ کی پٹی میں متعدد ایسے اہداف کو نشانہ بنایا، جن کے بارے میں شبہ ہے کہ وہاں سے راکٹ اسرائیلی سرزمین کی جانب فائر کیے جاتے ہیں۔اسرائیلی فوج کے ایک ترجمان نے آج بتایا کہ فضائیہ کی طرف سے غزہ کی پٹی کے مختلف خفیہ ٹھکانوں پر مجموعی طور پر بارہ حملے دو مراحل میں کیے گئے، جن میں دو افراد زخمی ہوگئے۔ اس ترجمان کے مطابق گزشتہ دو ہفتوں کے دوران غزہ سے فائر کیے گئے 25 راکٹ اور مارٹر گولے اسرائیلی سرزمین پر گرے۔ اس سلسلے کے تازہ ترین حملے میں جنوبی اسرائیلی شہر سدے روٹ میں ایک فیکٹری پر دو گولے گرنے سے آگ لگ گئی اور تین افراد معمولی زخمی ہو گئے۔
مزید خبریں :
کولمبیا کے صدارتی امیدوار قاتلانہ حملے میں شدید زخمی
08 جون ، 2025
غزہ میں اسرائیلی جارحیت جاری، مزید 36 فلسطینی شہید ہوگئے
08 جون ، 2025
