03 جولائی ، 2014 
براہِ راست امریکا پروازوں والےہوائی اڈوں پرسیکیورٹی بڑھانے کا فیصلہ
03 جولائی ، 2014
واشنگٹن.....امریکا نے براہ راست امریکا پروازوں والے ہوائی اڈوں پر سیکیورٹی بڑھانے کا فیصلہ کیا ہے۔ امریکی حکام کو خدشہ ہے کہ شام اور یمن میں القاعدہ کے دہشت گرد وہاں سے بم بھیج سکتے ہیں۔امریکی ہوم لینڈ سیکیورٹی کے سیکریٹری کا کہنا ہےکہ ان تمام غیرملکی ہوائی اڈوں پر سیکیورٹی بڑھائی جارہی ہے جہاں سے امریکا کے لیے براہ راست پروازیں ہوتی ہیں۔ اس سلسلے میں اتحادی ممالک کے ساتھ مصدقہ معلومات کا تبادلہ اور ایوی ایشن صنعت کے ساتھ بھی مشاورت کی جارہی ہے،تاہم یہ نہیں بتایا گیا کہ کون کون سے ایئرپورٹ ایسے ہیں جہاں سیکیورٹی بڑھائی جارہی ہے۔ غیر ملکی خبر ایجنسی نے امریکی حکام کے حوالے سے دعویٰ کیا ہے کہ شام اور یمن میں القاعدہ کے دہشت گرد بم بنارہے ہیں جو ممکنہ طورپر امریکا آنے والی پروازوں میں اسمگل کئے جا سکتے ہیں ۔
مزید خبریں :
چوروں نے گودام سے ایک کروڑ مالیت کے انسانی بال چرا لیے
06 مارچ ، 2025
یو اے ای میں دو بھارتی شہریوں کو سزائے موت دیدی گئی
06 مارچ ، 2025
