کراچی…محمدرفیق مانگٹ......امریکی اخبار’’ نیویارک ٹائمز‘‘ کے مطابق یورپی و دیگر ممالک نے القاعدہ کی طرف سے اغوا کیے گئے اپنے شہریوں کی رہائی کے لئے کئی ملین ڈالر کا تاوان ادا کیا۔2008سے اب تک القاعدہ اور اس کی دیگر ذیلی تنظیموں کو اغوا برائے تاوان کی مد میں125ملین ڈالر کی رقم ادا کی گئی۔ القاعدہ کی طرف سے اغوا کیے گئے افراد کی رہائی کے لئے فرانس کی طرف سے58.1ملین ڈالر، قطر اور عمان نے20.4ملین ڈالر، سوئٹز لینڈ نے12.4ملین ڈالر، اسپین نے11ملین ڈالر اور آسٹریا نے3.2ملین ڈالر کا تاوان ادا کیا گیا ،تاہم القاعدہ کو تاوان کی مد میں21.4ملین ڈالر کی ادائیگی کا ذرائع معلوم نہیں کیا جا سکا۔ 91.5 ملین ڈالر کی رقم اسلامک مغرب میں القاعدہ کو ادا کی گئی۔ فرانس کے چار شہریوں کی رہائی کے لئے2010-13کے درمیان فرانسیسی سرکا ری کمپنی نے 40.4 ملین ڈالر ادا کیا۔ 2010-11کے دوران فرانسیسی سرکاری کمپنی نے اپنے ایک شہری، ٹوگو اور مڈگاسکر کے ایک ایک شہری کی رہائی کے لئے17.7ملین ڈالر ادا کیا۔2009میں سوئٹزر لینڈ نے اپنے دو شہریوں اور ایک جرمن شہری کی رہائی کے لئے 12.4ملین ڈالر ادا کیا۔ 2011-12 میں ایک اٹلی اور دو اسپانوی شہریوں کی رہائی کے لئے10.8ملین ڈالر کی ادائیگی کی گئی تاہم اس تاوان کی ادائیگی کس ملک کی طرف سے کی گئی یہ معلوم نہیں۔2009-10میں اسپین نے اپنے دو شہریوں کی رہائی کیلئے 5.9 ملین ڈالر ادا کیا۔2008میں آسٹریا نے اپنے دو شہریوں کو القاعدہ کے چنگل سے چھڑانے کے لئے3.2ملین ڈالر کی رقم تاوان میں دی۔2008میں دو کینڈین شہریوں کی رہائی کے لئے1.1ملین ڈالر ادا کیے گئے تاہم اس کی ادائیگی کرنے والے کا بھی پتہ نہیں۔ 2011-13میں اشباب کو دو اسپانوی شہریوں کی رہائی کے لئے اسپین نے5.1ملین ڈالر ادا کیے۔جزیرہ نما عرب میںالقاعدہ کو تاوان کی رقم میں29.9ملین ڈالر ادا کیا گیا،2012-13میں دو فن لینڈ کے شہریوں،ایک آسڑین اور دو سوئس شہریوں کی رہائی کے لئے قطر اور عمان نے 20.4ملین ڈالر کی رقم القاعدہ کو دی۔جب کہ 2011میں تین فرانسیسی شہریوں کی رہائی کے لئے9.5ملین ڈالر کی رقم دی گئی۔تاہم اس رقم کے ادا کرنے والا معلوم نہیں۔