10 ستمبر ، 2014 
دبئی :پاکستانیوں نے 6 ماہ میں ایک ارب ڈالر سے زائد کی جائیداد خرید لی
10 ستمبر ، 2014
دبئی........ملک میں امن و اماں کی مخدوش صورتحال اور توانائی بحران کے باعث پاکستانی سرمایاکاروں نے دبئی میں پیسہ لگانا شروع کردیا۔ انویسٹرز نے 6ماہ میں 1ارب ڈالر سے زائد کی پراپرٹی متحدہ عرب امارات میں خرید ڈالی۔ دبئی کی انچی عمارتیں اور ساز گار ماحول پاکستانی انویسٹرز کو لبھانے لگیں۔ بھارت اور برطانیہ کے بعد تیسرا نمبر پاکستانیوں کا ہے جو سب سے زیادہ دبئی میں جائیدادیں خرید رہے ہیں۔ دبئی لینڈ ڈیپارٹمنٹ کے مطابق رواں سال جنوری تا جون پاکستانیوں نے۔ 3ہزار سے زائد سودے ریئل اسٹیٹ سیکٹر میں کرڈالے۔ اس کے علاوہ 2ارب 88کروڑ ڈالر کے ساتھ بھارت پہلے اور برطانوی 1ارب 60کروڑ ڈالر کے ساتھ دوسرے نمبر پر ہیں۔ اقتصادی تجزیہ کاروں کا کہنا ہے کہ ملک میں امن وامان کے خدشات اور سیاسی بے چینی کا خاتمہ نہ ہوا تو مقامی انویسٹرز کی جانب سے بیرون ملک سرمایاکاری کے رحجان میں مزید تیزی آجائے گی جس سے ملکی معیشت کو ناقابل تلافی نقصان ہوگا ۔
مزید خبریں :
پنجاب حکومت نے زرعی آمدن پر ٹیکس میں اضافہ کردیا
21 جون ، 2025
وفاقی حکومت کا 5 لاکھ ٹن چینی درآمد کرنے کا فیصلہ
20 جون ، 2025
ملک میں فی تولہ سونا سیکڑوں روپے سستا ہوگیا
20 جون ، 2025
