بارسلونا....شفقت علی رضا .....اسپین میں رواں سال کے ابتدائی آٹھ مہینوں میں سیاحوں کی تعدا د گزشتہ سال کی نسبت بڑھی ہے اور یہ اضافہ 7.3فیصد ہے۔اسپین میں رواں سال کے آٹھ مہینوں میں مجموعی طور پر 4کروڑ53لاکھ84ہزار483سیاح آئے۔اسپین میں جاری معاشی اور مالی بحران کے باوجود سیاحوں کاا سپین کا رخ کرنا خوش آئند بات ہے اور یہ ملکی خراب معاشی صورتحال کیلئے خوش آئند امر ہے۔اسپین میں اگست کا مہینہ سیاحوں کا مہینہ رہا اور اس مہینے میں 90لاکھ ٹورسٹ اسپین کے مہمان بنے۔تفصیلات کے مطابق اسپین میں اگست کے مہینے میں 90 لاکھ 70ہزار24غیر ملکی سیاح آئے اور پہلی مرتبہ اس ماہ میں اتنی بڑی تعداد میں سیاحوں کی آمد ہوئی ۔اگست کے اعدادوشمار کودیکھا جائے تو معلوم ہوتا ہے کہ ا سپین میں سیاح گزشتہ سال کی نسبت 8.8فیصد زیادہ آئے ہیں۔اسپین میںریکارڈتعدادمیںآنیوالے غیر ملکیوں میں سب سے بڑی تعداد برطانوی باشندوں کی ہے جن کی کل تعداد21لاکھ36ہزار879افراد ہے۔برطانوی سیاحوں کی توجہ کا مرکزا سپین کا جنوبی حصہ تھا ۔اس سال برطانوی باشندوں کی تعدادگزشتہ سال کی نسبت پانچ فیصد زیادہ ہے۔برطانوی سیاحوں کے بعد فرانس کے سیاحوں نے ا سپین کا رُخ کیاجن کی کل تعداد19لاکھ81ہزار643ہے اور ان سیاحوں کارخ ا سپین کے جنوبی علاقے میں تھا۔